රුසියාවේ FSB ය සතුව ඇති ඇඩොල්ෆ් හිට්ලර්ගේ හා ඔහුගේ බිරිඳ ඊවා බ්‍රෝන්ගේ බව පැවසෙන දත් කොටස්වල ඡායාරූප කිහිපයක් රුසියානු ජනාධිපති ව්ලදිමීර් පුටින්ගේ ප්‍රකාශක දිමිත්‍රි පෙස්කෝෆ්ගේ දියණිය විසින් සිය ඉන්ස්ටග්‍රෑම් පිටුවේ පළකර තිබෙනවා.
ඉතිහාසය පිළිබඳ උද්‍යෝගයක් දක්වන්නෙකු වන පියේර් මැලිනොව්ස්කි නම් ඇගේ මිත්‍රයකු මෙම කොටස් නැරඹීමට අවසර ඉල්ලා ඇති අතර FSB ය එම අවසරය දී තිබෙනවා. ඒ අනුවයි ඔවුන් මෙම දන්ත කොටස් දැකබලාගෙන ඇත්තේ.
ලීසා පෙස්කෝවා පවසන්නේ හිට්ලර් 1945 දී මිය නොගිය බව විශ්වාස කරන්නන්ට වරදක් සිදුව ඇති බවයි.
1945 අප්‍රේල් 30 වනදා හිට්ලර් සහ ඊවා බ්‍රෝන් දිවි නසාගත් බව පැවසෙන අතර ඔවුන්ගේ සිරුරු ඔවුන් ජීවත්ව සිටි බංකරයෙන් පිටතට ගෙන ගිනි තබා තිබුණා. සෝවියට් හමුදා විසින් එම සිරුරු කොටස් සොයාගෙන ඔවුන්ගේ දන්ත කොටස් සිය භාරයට ගත්තා.
2018 දී ප්‍රංශ මානව විද්‍යාඥයකු විසින් කළ පරීක්ෂණවලින් මේ හිට්ලර්ගේ හා බ්‍රෝන්ගේ දත් කොටස් බව සනාථ වී තිබුණා.
FSBය පිහිටා ඇත්තේ සෝවියට් සමයේ KGB මූලස්ථානයේයි.
ලින්ක් එක:
https://www.instagram.com/p/CD4E82fiU4y/?igshid=102aa51gfw5s2
No comments:
Post a Comment