ව්ලදිමීර් පුටින් සමග ඔලිවර් ස්ටෝන් කළ සාකච්ඡා මාලාවක් "Putin Interviews" නමින් මීට කලකට පෙර එළි දැක්වුණා. මෙහි එක් අවස්ථවක පුටින් තමන්ව ඝාතනය කිරීම සඳහා ගන්නා ලද උත්සාහයන් පිළිබඳව සඳහන් කරනවා.
ඔලිවර්: 2012 දී ඔබ ජනාධිපතිවරණයට ඉදිරිපත්ව සියය්ට 63 ක් ඡන්ද ලබාගත්තා.
පුටින්: ඔබ හරි
ඔලිවර්: තුන් වරක් ජනාධිපති ධුරයට පත් වනවා. මට දැනගන්න ලැබෙන විදියට ඝාතන උත්සාහයන් පහක්. කැස්ත්‍රෝට එරෙහිව තරම් ම නම් නැහැ. මම ඔහු සමග සාකච්ඡා කර තිබෙනවා. මම හිතන්නෙ ඔහුව ඝාතනය කරන්න අවස්ථාවල් පනහක්වත් උත්සාහ කළා. ඔබට එරෙහිව පහක් කියලයි මම දන්නෙ.
පුටින්: මම ඒ ගැන කැස්ත්‍රෝ සමගත් කතාබහ කර තිබෙනවා. ඔහු මගෙන් ඇහුවා "ඔබ දන්නවාද කොහොමද මම තවමත් ජීවතුන් අතර ඉන්නේ?" කියලා. මම ඇහුවා "කොහොමද?" කියලා. "මගේ ආරක්ෂාව පිළිබඳ කටයුතු සොය බැළුවේ මම මයි" ඔහු කිව්වා. ඒත් මම මගේ රාජකාරිය කරනවා. ආරක්ෂක නිලධාරීන් ඔවුන්ගේ රාජකාරිය කරනවා. ඔවුන් තවමත් හොඳින් කටයුතු කරගෙන යනවා.
ඔලිවර්: ඔබ ඔවුන් විශ්වස කරනාවාද?
පුටින්: ඔව්. මම විශ්වාස කරනවා.
ඔලිවර්: ඝාතකයකු මුලින්ම කරන්න උත්සාහ කරන්නේ ජනාධිපතිවරයාගේ ආරක්ෂක අංශය තුළට රිංගා ගැනීමයි.
පුටින්: මම එය දන්නවා. ඔබ දන්නවාද රුසියානුවන් අතර තියෙන කියමනක්? ඔවුන් කියනවා, "එල්ලී මැරෙන්න නියමිත තැනැත්තා දියේ ගිලී මැරෙන්නේ නැහැ" කියලා.
ඔලිවර්: ඔබට උරුම කුමක් ද? ඔබ දන්නවාද?
පුටින්: ඔබේත් මගේත් ඉරණම දන්නේ දෙවියන් පමණයි.
ඔලිවර්: සමහර විට නිදි ඇඳේම මිය යන්න වෙන්න පුළුවන්.
පුටින්: අපි කවුරුත් කවදා හෝ මැරෙනවා. වඩා වැදගත් වෙන්නේ අප සපුරා ඇති දේ මොනවාද යන්නයි. මේ නවාතැනේ අපි ජීවිතේ විඳ ඇති ද යන්නයි.
No comments:
Post a Comment