Wednesday, June 8, 2016

Miss USA ලෙස තේරී පත් වූ පළමු හමුදා නිලධාරිණිය

ඇමරිකා එක්සත් ජනපදයේ Miss USA 2016 තරඟය ජයග්‍රහණය කිරීමට 26 හැවිරිදි ඩෙෂෝනා බාබර් සමත් වූවාය​.

ඇය කොළොම්බියා දිස්ත්‍රික්කය නියෝජනය කරමින් තරඟයට ඉදිරිපත් වූවාය​. එක්සත් ජනපදයේ තරඟය සඳහා ප්‍රාන්ත පනහෙන් සහ කොළොම්බියා දිස්ත්‍රික්කයෙන් තරඟකාරිය බැගින් ඉදිරිපත් වේ.

තරඟයේ දෙවන ස්ථානය හවායි දූපත් හි චෙල්සි හාඩින් ද තෙවනි ස්ථානයෙ ජෝර්ජියා ප්‍රාන්තයේ එමානි ජොවාන් ඩේවිස් ද දිනාගත් හ​.

1952 සිට මෙම වසර දක්වා කොළොම්බියා දිස්ත්‍රික්කයෙන් Miss USA ජයග්‍රාහිකාවන් තිදෙනකු වාර්තා වී ඇත​. ඩෙෂෝනාගේ විශේෂත්වය වූයේ ඇය Miss USA තරඟය ජයගත් පළමු හමුදා නිලධාරිණිය වීමය​.

එක්සත් ජනපද හමුදාවේ ස්වෙච්ඡා නිලධාරිණියක වන ඇය එරට වාණිජ දෙපාර්තමේන්තුවේ තොරතුරු තාක්ෂණ විශ්ලේෂකවරියක ලෙස සේවය කරයි.

බාබර් පමණක් නොව ඇගේ පවුලේ මව​, පියා, සහෝදරයා සහ සහෝදරිය ඇමරිකානු හමුදාව වෙනුවෙන් සේවය කර ඇත.

තරඟය අවස්ථාවේ අසන ලද ප්‍රශ්නයකට පිළිතුරු දුන් ඩෙෂෝනා පවසා සිටියේ රට වෙනුවෙන් යුධ බිමට ගිය අය පිළිබඳ දැනට වඩා අවධානය යොමු විය යුතු බවය​.

4 comments:

  1. පුදුමයක් නෑ නොවැ... ලස්සනයි ලස්සනයි
    හොට් ඩෙෂෝනා...

    ReplyDelete