ඉරාකයේ සහ සිරියාවේ ඉස්ලාමීය රාජ්‍යය හෙවත් ISIS සංවිධානයට එරෙහිව ඉරාක සහ සිරියානු හමුදා කරනු ලබන මෙහෙයුම්වලදී වැදගත් ජයග්‍රහණ කිහිපයක් ලැබීමට දෙරටෙහිම හමුදා ඊයේ සමත් වූහ.
ඉරාක හමුදාවේ 34 වන බ්‍රිගේඩය, හෂ්ඩ් අල්-ශාබි මිලීෂියා භටයින් සහ ෆෙඩරල් පොලිසියේ සහය ඇතිව දකුණුදිග ෆලූජා හි අල්-ෂුහාඩා දිස්ත්‍රික්කය යළි අල්ලාගත් හ. ෆලූජා සඳහා පවතින සටන් අතරතුර ඉරාක හමුදා එම ප්‍රදේශයට ළඟා වුවද පසුගිය සතියේදී ISIS සටන්කාමීන් එම ප්‍රදේශයට යළි ඇතුලු වූහ. ඊයේ දිනයේදී ඔවුන් එම ප්‍රදේශයෙන් යළිත් පළවා හරින ලදී.
මේ අනුව ෆලූජා හි අල්-ජබේල් ප්‍රදේශය වෙත ඉරාක හමුදාවල අවධානය මේ වනවිට යොමු වී පවතී.
මේ අතර මෙම සතියේ මුල දී ඉරාක හමුදා විසින් මෝසුල් ප්‍රාන්තයේ දකුණුදිග පිහිටි ගම්මානයක බලය ISIS සංවිධානයෙන් පැහැරගන්නා ලදී. මෙය මෝසුල් නගරය දෙසට එල්ල කිරීමට බලාපොරොත්තු වන හමුදා ප්‍රහාර සඳහා වැදගත් පියවරක් ලෙස සැළකේ.
මේ අතර සිරියාවේ ISIS ත්‍රස්තයින්ට එරෙහිව සිදුවන සටන්වල වැඩි අවධානය ඩෙයර් එසෝර් ප්‍රදේශය වෙත යොමු විය. රකා ප්‍රාන්තයේදී ISIS සංවිධානයට එල්ලවන ප්‍රහාර තීව්‍ර වූ විට සිරියානු හමුදාවල අවධානය වෙනත් අතකට යොමු කිරීම සඳහා ISIS සංවිධානය ඩෙයර් එසෝර් වෙත ප්‍රහාරයක් ඇරඹූහ. මෙහිදී රුසියානු ගුවන් හමුදා සටන්කාමීන්ට දැඩි ප්‍රහාර එල්ල කළහ. නමුත් ප්‍රදේශයට බලපෑ වැලි කුණාටුවක් හේතුවෙන් ගුවන් ප්‍රහාර සීමා කිරීමට සිදු වූ අතර ඊයේ එම වැලි කුණාටුව අවසන් වීමෙන් පසු නැවතත් සිය ගුවන් ප්‍රහාර ඇරඹීමට රුසියානු ගුවන් හමුදා කටයුතු කළහ.
මේ අතර ඩෙයර් එසෝර් හි සිරියානු හමුදාවලට ප්‍රහාරයන් එල්ල කරනු ලබන දර්ශන ඇතුලත් ප්‍රචාරක වීඩියෝවක් ද මෑතකදී ISIS සංවිධානය විසින් අන්තර්ජාලයට එකතු කර තිබුණි.
ඩෙයර් එසෝර් ප්‍රදේශය සිරියාවේ නැගෙනහිරින් පිහිටි රජයේ හමුදා අත පවතින අවසන් ප්‍රදේශයයි. එය සම්පූර්ණයෙන්ම ISIS සටන්කාමීන් විසින් වටලනු ලැබ ඇත.
ඉරාක හමුදාවේ 34 වන බ්‍රිගේඩය, හෂ්ඩ් අල්-ශාබි මිලීෂියා භටයින් සහ ෆෙඩරල් පොලිසියේ සහය ඇතිව දකුණුදිග ෆලූජා හි අල්-ෂුහාඩා දිස්ත්‍රික්කය යළි අල්ලාගත් හ. ෆලූජා සඳහා පවතින සටන් අතරතුර ඉරාක හමුදා එම ප්‍රදේශයට ළඟා වුවද පසුගිය සතියේදී ISIS සටන්කාමීන් එම ප්‍රදේශයට යළි ඇතුලු වූහ. ඊයේ දිනයේදී ඔවුන් එම ප්‍රදේශයෙන් යළිත් පළවා හරින ලදී.
මේ අනුව ෆලූජා හි අල්-ජබේල් ප්‍රදේශය වෙත ඉරාක හමුදාවල අවධානය මේ වනවිට යොමු වී පවතී.
මේ අතර මෙම සතියේ මුල දී ඉරාක හමුදා විසින් මෝසුල් ප්‍රාන්තයේ දකුණුදිග පිහිටි ගම්මානයක බලය ISIS සංවිධානයෙන් පැහැරගන්නා ලදී. මෙය මෝසුල් නගරය දෙසට එල්ල කිරීමට බලාපොරොත්තු වන හමුදා ප්‍රහාර සඳහා වැදගත් පියවරක් ලෙස සැළකේ.
මේ අතර සිරියාවේ ISIS ත්‍රස්තයින්ට එරෙහිව සිදුවන සටන්වල වැඩි අවධානය ඩෙයර් එසෝර් ප්‍රදේශය වෙත යොමු විය. රකා ප්‍රාන්තයේදී ISIS සංවිධානයට එල්ලවන ප්‍රහාර තීව්‍ර වූ විට සිරියානු හමුදාවල අවධානය වෙනත් අතකට යොමු කිරීම සඳහා ISIS සංවිධානය ඩෙයර් එසෝර් වෙත ප්‍රහාරයක් ඇරඹූහ. මෙහිදී රුසියානු ගුවන් හමුදා සටන්කාමීන්ට දැඩි ප්‍රහාර එල්ල කළහ. නමුත් ප්‍රදේශයට බලපෑ වැලි කුණාටුවක් හේතුවෙන් ගුවන් ප්‍රහාර සීමා කිරීමට සිදු වූ අතර ඊයේ එම වැලි කුණාටුව අවසන් වීමෙන් පසු නැවතත් සිය ගුවන් ප්‍රහාර ඇරඹීමට රුසියානු ගුවන් හමුදා කටයුතු කළහ.
මේ අතර ඩෙයර් එසෝර් හි සිරියානු හමුදාවලට ප්‍රහාරයන් එල්ල කරනු ලබන දර්ශන ඇතුලත් ප්‍රචාරක වීඩියෝවක් ද මෑතකදී ISIS සංවිධානය විසින් අන්තර්ජාලයට එකතු කර තිබුණි.
ඩෙයර් එසෝර් ප්‍රදේශය සිරියාවේ නැගෙනහිරින් පිහිටි රජයේ හමුදා අත පවතින අවසන් ප්‍රදේශයයි. එය සම්පූර්ණයෙන්ම ISIS සටන්කාමීන් විසින් වටලනු ලැබ ඇත.
No comments:
Post a Comment