1941 අප්‍රේල් 1 වනදා ඉරාකයේ සිදුවූ කුමන්ත්‍රණයකින් බ්‍රිතාන්‍ය විරෝධී, අරාබි ජාතිකවාදී රජයක් බිහිවුණා.
ජාතිකවාදී ජෙනරාල්වරුන් සිව් දෙනකු මූලිකත්වය ගෙන දියත් කෙරුණ මෙම කුමන්ත්‍රණය මගින් හිටපු අගමැතිවරයකු වූ රශීද් අලි අල්-ගේලානි අගමැති ධුරයට පත්කළේ දැඩි බ්‍රිතාන්‍ය ගැත්තකු වූ නූරි අල්-සයිද් අගමැති ධුරයෙන් නෙරපා දමමින්.
නව රජයට ජර්මනියේ සහය ලැබුණා. එහෙත් ඒ වනවිට ද ඉරාකය තුළ, බැග්ඩෑඩ් අගනුවරින් කිලෝමීටර් 80ක් ඈත, බ්‍රිතාන්‍යයට අයත් විශාල ගුවන් හමුදා කඳවුරක් තිබුණා. එය හබ්බනියා කඳවුරයි. ඉරාක හමුදා එය වටලෑවා. නමුත් මැයි මස මුලදී බ්‍රිතාන්‍යයන් විසින් ඉරාක සේනාංක වෙත පහර දෙනු ලැබුණා. එයින් ස්වල්ප දිනකින් නව ඉරාක රජය බිඳවැටුණා.
ඡායාරූපයේ දැක්වෙන්නේ 1941 ඉරාක කුමන්ත්‍රණයේ සංවත්සරයක් ජර්මනියේ බර්ලින් හිදී සමරනු ලබන අවස්ථාවයි. මෙහි සභාව අමතමින් සිටින්නේ ගේලානි යි.
No comments:
Post a Comment