ඉතාලි ජාතික අභ්‍යවකාශ වස්තු ඡායාරූප ශිල්පිණී මර්සෙලා ජුලියා පේස් කියන විදියට හඳට වර්ණ 48ක් වත් තියෙනව.
පසුගිය වසර දහයක් තිස්සේ ඉතාලියේ විවිධ ස්ථානවලදි ලබාගත් පූර්ණ චන්ද්‍රයාගේ ඡායාරූප අනුවයි ඇය මෙහෙම කියන්නෙ.
රතු හෝ කහ ආලෝකය සහිතව පෙනෙන්නේ ක්ෂිතිජයට ආසන්නව දිස්වන හඳ බවත් එයට හේතුව නිල් ආලෝකය විසරණය වීම බවත් සඳහන් වනවා. නිල් පැහැති චන්ද්‍රයා දුලබ දසුනක් වන අතර පෘථිවි වායුගෝලයේ විශාල ප්‍රමාණයේ දූවිලි අංශු තිබීමෙන් එසේ පෙනෙන බවයි සැලකෙන්නේ. දම් වර්ණයෙන් සඳ දිස්වන්නේ ඇයිදැයි හරියට පැහැදිලි වී නැහැ. අහසේ චන්ද්‍රයා පිහිටන ස්ථානය, දුහුවිල්ල යනාදී විවිධ කරුණු මත චන්ද්‍රයා පෙනෙන වර්ණ වෙනස් වනවා. අවසන් ඡායාරූපය මගින් 2018 ජූලි මස පූර්ණ චන්ද්‍රග්‍රහණය අවස්ථාවේ චන්ද්‍රයා දිස්වූ අයුරු පෙන්නුම් කරනවා.
පෘථිවි වායුගෝලයෙන් පිටතට ගියහොත් චන්ද්‍රයාගෙ අඳුරු කොටස දුඹුරු වර්ණයට හුරු අළු පැහැයකින් දිස්වන බවයි නාසා ආයතනය පවසන්නේ.
No comments:
Post a Comment