පළමු ලෝක යුද්ධයේදී වාර්තා වූ විවිධ වීරක්‍රියා අතුරින්, ඇතැම් විට තනි පුද්ගලයකු විසින් සිදු කරන ලද පුදුමාකාරම වීර ක්‍රියාව වාර්තා වන්නේ 1918 ඔක්තෝබර් 8 වනදා ය. මියුස්-ආර්ගොන් ප්‍රහාරය අතරතුර දී ඇමරිකානු හමුදා ඛණ්ඩයකට ජර්මන් මැෂින් තුවක්කු කණ්ඩායමක් අල්ලා ගැනීම බාර විය. මෙම ඇමරිකානු භට පිරිසෙහි 17 දෙනකු වූ අතර ඒ වනවිට ද ඔවුනට සිරකරුවන් පිරිසක් යටත් වී සිටිය හ. ඔවුනගේ ඉලක්කය වූ මැෂින් තුවක්කු කණ්ඩායම විසින් එල්ල කළ ප්‍රහාර හමුවේ ඇමරිකානු භට පිරිසෙන් සය දෙනෙක් මියගොස් තුන් දෙනෙක් තුවාල ලද හ. ඉතිරි වූ පිරිසේ ඉහල ම නිලධාරියා වූයේ ඇල්වින් යෝර්ක් නම් කෝප්‍රල්වරයෙකි.
 |
| ඇල්වින් යෝර්ක් තම වීරක්‍රියාව සිදු වූ ස්ථානයේ 1919 දී |
අනෙක් පිරිසට සිරකරුවන් මුර කිරීම බාර දුන් යෝර්ක්, සිය රයිෆලයෙන් මැෂින් තුවක්කු කණ්ඩායමේ එක එක සෙබළා බැගින් ඉලක්ක කරන්නට විය. මෙසේ 28 දෙනකු ඔහුගේ වෙඩි පහරට ලක් වූහ. ඉන්පසු බයිනෙත්තු ප්‍රහාරයක් එල්ල කළ සෙබළුන් සය දෙනෙකුට පිස්තෝලයෙන් වෙඩි තබා ඔවුන් බිම හෙළූ කෝප්‍රල් යෝර්ක් ජර්මානුන්ට යටත් වන ලෙස අණ කළේ ය. තමන්ට එල්ල වූ ප්‍රහාරය හමුවේ විශාල පිරිසක් තමන්ට පහර දෙන්නේ යයි සිතූ ජර්මන්නු යටත් වූහ. කෝප්‍රල් ඇල්වින් යෝර්ක් ජර්මානුන් 132 දෙනකු සහ මැෂින් තුවක්කු 35 ක් තනිවම තමන් භාරයට ගත්තේ ය.
++++++++++
ReplyDeleteකෝප්‍රල් ඇල්වින් යෝර්ක් රණවිරුවාව ඉතින් පස්සේ කාලෙක හරි ඇගයුවේ නැතිද ඇමරිකාව ?
ReplyDeleteමේ වනවිට ඔබේ නිර්මාණ බොහොමයක් රස විද තිබෙනවා . ඒවා විවිධ පරාස කරා යන අයුරු අපූරුයි . බ්ලොග් කලාවට අළුත් මට ඔබේ භාවිතය හොද අත්වැලක් . ඉඩක් ලැබුණොත් මගේ අහස් ගව්වෙන් එහා ලෝකයට ගොඩ වැදිලා අඩුපාඩු ලියන්න . වැඩි පිරිසකට මගේ නිර්මාණ රසවිදින්න උදව් කරන්න . ඔබට ජය .
ReplyDelete