1942 ජූලි 29 වෙනිදා සෝවියට් දේශය විසින් රතු හමුදා සාමාජිකයන් උදෙසා විශිෂ්ටත්වය වෙනුවෙන් පිදෙන සුවොරෝෆ් (1 වන, 2 වන හා 3 වන පන්ති), කුතූසොෆ් (1 වන හා දෙවන පන්ති) වගෙම නෙව්ස්කි යන පදක්කම් හඳුන්වා දුන්නා.
මෙහි නිරීක්ෂණය කළ යුතු දේ තමයි ඔවුන් කොමියුනිස්ට් වීරයන්ගෙ නම් වෙනුවට පැරණි ත්සාර් පාලන කාලයේ වීරයින්ගෙ නම් මේ පදක්කම් උදෙසා යොදාගැනීම. සුවොරෝෆ් හා කුතූසෆ් ත්සාර් යුගයේ විරුවන් වූ අතර නෙව්ස්කි ඊටත් පෙර සමයේ රුසියාවේ ජාතික වීරයකු වුණ අයෙක්.
මේ විතරක් නෙවෙයි. රතු හමුදා මෙහෙයුම් සමහරක් හඳුන්වා දෙනු ලැබුණේ ද පැරණි ත්සාර් යුගයේ යුධ විරුවන් නමින්. බග්‍රතියෝන්, රුම්යාන්ත්සෙෆ් වැනි අයගෙ නම්වලින් හැඳින්වූ මෙහෙයුම් එයට උදාහරණ වනවා. ඇත්තෙන්ම කුතූසොෆ් හා සුවොරෝෆ් දෙදෙනාගේ නමින් ද මෙහෙයුම් දෙකක් ක්‍රියාත්මක වුණා.
ඉතින් රට පාලනය කළේ කොමියුනිස්ට්වාදීන් වුණාට ජර්මන් ආක්‍රමණය අවස්ථාවෙ යොදාගත්තු සංකේත සමහරක් පැරණි දේශප්‍රේමී සංකේත වුණා. එය එක්තරා දෛවෝපගත සිදුවීමක්.
Photo: Embassy of the Russian Federation in Sri Lanka and Maldives
No comments:
Post a Comment