Wednesday, February 17, 2016

ආසියාවේ විශාලතම ගුවන් ප්‍රදර්ශනය​

ආසියාවේ විශාලම ගුවන් ප්‍රදර්ශනය වන සිංගප්පූරු ගුවන් ප්‍රදර්ශනය (Singapore Air Show) ඊයේ දිනයේ එරට චැංගි ප්‍රදර්ශණ මධ්‍යස්ථානයේදී (Changi Exhibition Centre) ආරම්භ විය​. සෑම දෙවසරකටම වරක් පැවැත්වෙන මෙම දැවැන්ත වෙළෙඳ ප්‍රදර්ශනය ලෝකයේ ප්‍රධානතම ගුවන් කාර්මික වෙළෙඳ ප්‍රදර්ශනයක් ලෙස සළකනු ලබයි.
ඡායාරූපය​: ෂින්හුවා පුවත් සේවය​

මෙම ප්‍රදර්ශනය සඳහා ලොව පුරා ගුවන් යානා නිශ්පාදන සමාගම්, ගුවන් සේවා සමාගම් සහ වෙනත් විවිධ ආකාරයෙන් ගුවන්‍ යානා කර්මාන්තයට සම්බන්ධ වන සමාගම් ගණනාවක් සහභාගී වෙති. මෙවර ප්‍රදර්ශනය සඳහා රටවල් 47 කින් සමාගම් 1,018 ක් සහභාගී වන බව සංවිධායකයෝ පැවසූහ​. මෙම සමාගම් අතර ලෝකයේ ප්‍රධාන ගුවන් සමාගම් සියයෙන්, සමාගම් 65 ක් ද වන බව සංවිධායකයෝ වැඩිදුරටත් කියා සිටියහ​. මේ අතර රටවල් 125 කින් වෙළෙඳ නියෝජිතයින් 45,152 ක් ප්‍රදර්ශනය සඳහා එක් වෙති.

තවද​, ගුවන් හමුදා නියෝජිතයින් ද විශාල ප්‍රමාණයක් ප්‍රදර්ශනය සඳහා සහභාගි වන අතර, ගුවන් සන්දර්ශණ සඳහා රටවල් කිහිපයකම ගුවන් හමුදා එක්ව සිටිති.

පෙබරවාරි 16 සිට 21 තෙක් පැවැත්වෙන ප්‍රදර්ශනය අවසන් දින දෙකේදී මහජනයාට විවෘත වේ.

4 comments:

  1. අපිට කොහෙන්ද ඔව්වා බලන්න යන්න. හැක්.

    ReplyDelete
  2. පින්තූරෙ දැක්කම මට හිතුනේ ගුවන් කරණම් සංදර්ශණයක් කියලා....

    ReplyDelete