Thursday, April 8, 2021

ඉන්දියාවේ එන්නත් හිඟය ගැන පක්ෂ විපක්ෂ භේදයක්

ඉන්දියාවේ ඇතැම් ප්‍රදේශවල කෝවිඩ්-19 එන්නත් හිඟයක් වාර්තා වනවා. ප්‍රාන්ත කිහිපයක්ම එන්නත් හිඟයන් පිළිබඳ අනතුරු ඇඟවීම් කරනු ලැබ තිබෙනවා.

මහාරාෂ්ඨ්‍ර ප්‍රාන්තයේ පන්වේල් ප්‍රදේශයේ එන්නත් ලබාදීම නවත්වා තිබෙනවා. එමෙන්ම ප්‍රාන්තය සතුව දැනට ඇති සමස්ථ එන්නත් තොග දින තුනක් තුළ අවසන් වේ යයි මහාරාෂ්ඨ්‍ර ප්‍රාන්තය පවසනවා.

Pic - Getty Images

මේ අතර වාරානසී ප්‍රදේශයේ රජය විසින් අනුමත එන්නත් මධ්‍යස්ථාන 66 න් එන්නත් ලබාදීම කෙරෙන්නේ 25 ක පමණයි. වාරානසී යනු අගමැති නරේන්ද්‍ර මෝදි නියෝජනය කරන ආසනයයි.

මේ අතර මෝදි අද සිය දෙවන එන්නත් මාත්‍රාව ලබාගත් බව ප්‍රකාශ කළා.

ඉන්දීය සෞඛ්‍ය අමාත්‍ය වෛද්‍ය හර්ෂ් වර්ධන් මහාරාෂ්ඨ්‍ර, පන්ජාබ්, ඔදීෂා, රාජස්ථාන් ප්‍රාන්තවල සහ දිල්ලියේ රජයන්ට ව්‍යාජ එන්නත් හිඟයක් මවාපෑම ගැන චෝදනා කරනවා. හර්ෂ් වර්ධන් චෝදනා කරන්නේ මෙම ප්‍රාන්ත රජයන් සිය එන්නත්කරණ ව්‍යාපෘතියේ මන්දගාමීත්වය වසාගැනීමට ඉහළ ඉලක්ක ලබාදෙමින් එන්නත් ප්‍රමානවත් තරමට නොමැති බවට චෝදනා කරන බවයි.

මෙම ප්‍රාන්ත සියල්ලම භාරතීය ජනතා පක්ෂ පාලනය නොපවතින ප්‍රාන්ත වීම ද මෙහිදී වැදගත් කරුණක්. මහජන සෞඛ්‍ය ප්‍රශ්නයක් දේශපාලනීකරණය කිරීම පිළිබඳ හර්ෂ් වර්ධන් එම ප්‍රාන්තවල රජයන්ට චෝදනා කරනවා.

ඉන්දියාව වෙනත් රටවලට ද සැලකියයුතු එන්නත් ප්‍රමාණයක් යවන හෙයින් එමගින් ද දේශීය අවශ්‍යතා පිළිබඳ ගැටළු ඇතිවන්නේ යයි චෝදනා මතු වනවා. කෙසේ වෙතත්, එසේ පිටරට යැවීම නවතා දැමුවද ප්‍රමාණවත් එන්නත් නොමැති යයි ඇතැම් විශේෂඥයන් පවසනවා.

පසුගිය සතිවල වේගවත් කරන ලද්දේ කෝවිඩ්-19 රෝගීන් වාර්තාවීම පැහැදිලි ලෙස ඉහළගොස් ඇති පසුබිමෙහි, ඉන්දියාවේ එන්නත්කරණය වේගවත් කරනු ලැබ තිබෙනවා. මෙය ද එන්නත් මාත්‍රා ප්‍රමාණවත් නොවීමට​ ඍජුව බලපා ඇති බවයි පෙනී යන්නේ.

No comments:

Post a Comment