Tuesday, April 20, 2021

ජර්මන් හරිත පක්ෂයේ චාන්සලර් අපේක්ෂිකාව

ජර්මනියේ සැප්තැම්බර් මස පැවැත්වීමට නියමිත මහමැතිවරණයේදී සිය පක්ෂයේ චාන්සලර් ධූර අපේක්ෂිකාව ලෙස අන්නාලීනා බෙයර්බොක් නම් කරන බව එම පක්ෂය නිවේදනය කළා. මෙයින් පෙර කිසිදු අවස්ථාවක හරිත පක්ෂය චාන්සලර් ධුරයට අපේක්ෂකයකු නම්කර නැහැ.


හතළිස් හැවිරිදි බෙයර්බොක් 2018 සිට පක්ෂයේ සම නායිකාව වනවා. බ්‍රැන්ඩන්බර්ග් ප්‍රාන්තයේ හරිත පක්ෂ නායිකාව ලෙස 2009 සිට 2013 තෙක් කටයුතු කළ බෙයර්බොක් 2013 සිට ජර්මන් පාර්ලිමේන්තු මන්ත්‍රීවරියක් වනවා. ඇය හැම්බර්ග් විශ්වවිද්‍යාලයෙන් නීතිය පිළිබඳ උපාධියක් ලබාගෙන ලන්ඩන් ස්කූල් ඔෆ් ඉකොනොමික්ස් වෙතින් අන්තර්ජාතික නීතිය පිළිබඳ ශාස්ත්‍රවේදී උපාධිය ලබාගත්තා. ඇය ව්‍යක්ත ලෙස ඉංග්‍රීසි බස හසුරවන අයෙක්.

මෙවර මැතිවරණය සඳහා හරිත පක්ෂය ඉදිරිපත් වන්නේ අන් කිසිදු අවස්ථාවකට වඩා ප්‍රබලවයි. එහෙයින් තනිව ආණ්ඩු පිහිටුවීමක් පිළිබඳ සිතිය නොහැකි වුවද මීළඟ මැතිවරණයේ වැඩිම ඡන්ද සංඛ්‍යාව ලබාගන්නා පක්ෂය බවට පත්වීමේ සැලකියයුතු අවස්ථාවක් හරිත පක්ෂයට තිබෙනවා.

No comments:

Post a Comment