Monday, April 5, 2021

පරදින්න බලාගෙන තරග කරන දීපන්

ජනමාධ්‍යවේදියකු, යූටියුබර් කෙනෙකු සහ ව්ලොගර් කෙනෙකු වන දීපන් චක්‍රවර්ති මෙවර තමිල්නාඩු ප්‍රාන්ත මැතිවරණයට ඉදිරිපත් වන විශේෂ චරිතයක්.

නාමක්කල් ආසනයෙන් ස්වාධීන අපේක්ෂකයකු ලෙස තරග වදින ඔහුට ජයග්‍රහණය පිළිබඳ වැඩි බලාපොරොත්තු නැහැ.

ඔහු පවසන්නේ මධ්‍යම පාන්තික තරුණයකු වන ඔහුට ඡන්දය සඳහා වියදම් කිරීමට විශාල ධනයක් නොමැති බවයි. ඔහුගේ ආසනය සඳහා තමිල්නාඩුවේ ප්‍රධානම පක්ෂ දෙක වන DMK සහ AIADMK පක්ෂ දෙකම අපේක්ෂකයන් ඉදිරිපත් කර තිබෙනවා. කට් අවුට්, පෝස්ටර්, රූපවාහිනී දැන්වීම්, ගුවන් විදුලි දැන්වීම්, පුවත්පත් දැන්වීම් සඳහා මුදල් නැති ඔහු අත් පත්‍රිකා මුද්‍රණය කරගෙන ගෙන් ගෙට යමින් ප්‍රචාරණයෙහි යෙදෙනවා.

ඊට අමතරව තම ප්‍රචාරණ මාධ්‍යය වන්නේ යූ ටියුබ්, ෆේස්බුක් ආදී සමාජ මාධ්‍ය බවයිඔහු පෙන්වා දෙන්නේ.

තරුණ ප්‍රජාව මැතිවරණ ක්‍රියාවලිය පිළිබඳ දැනුවත් කිරීමට සහ ඔවුන් දේශපාලන ක්‍රියාවලිය සඳහා සක්‍රියව දායක කරගැනීමට පොළඹවාගැනීමට තමන් මැතිවරණය සඳහා ඉදිරිපත් වන බවයි දීපන් පවසන්නේ. තම මැතිවරණ ව්‍යාපාරයේ නාම යෝජනා භාරදීමේ සිට සියළු ප්‍රධාන අවස්ථා ඔහු යූ ටියුබ් මගින් වාර්තා කරන්නේ ද එම අරමුණින්.

2021 අප්‍රේල් 6 වනදා තමිල්නාඩු මැතිවරණයේ ප්‍රතිඵල නිකුත් වන්නේ මැයි 2 වනදා යි. දීපන් කොතරම් ජනතාවකට ආමන්ත්‍රණය කර ඇතිදැයි එදාට බලමු.

No comments:

Post a Comment